समाङ्गानमा ट्रक–ग्यास ट्यांकर ठोक्किँदा चालकको मृत्यु, ७ घाइते
सामङ्गान – अफगानिस्तानको उत्तरी समाङ्गान प्रान्तमा मंगलबार बिहान भएको सवारी दुर्घटनामा एक चालकको ज्यान गएको छ भने सात जना घाइते भएका छन्।
प्रान्तीय प्रहरी कार्यालयद्वारा जारी विज्ञप्तिअनुसार मुख्य सडकमा विपरीत दिशाबाट आइरहेका ट्रक र ग्यास ट्यांकर एकआपसमा ठोक्किँदा दुर्घटना भएको हो। उक्त दुर्घटनामा करिब ५० वटा गाईवस्तु पनि मरेका छन्।
विज्ञप्तिमा दुर्घटनाको मुख्य कारण लापरवाहीपूर्ण सवारी चलाउनु रहेको उल्लेख गरिएको छ। साथै, यस्ता दुर्घटना न्यूनीकरण गर्न चालकहरूलाई ट्राफिक नियमको पालना गर्न आग्रह गरिएको छ।
