भेनेजुयला र युरोपेली सङ्घबीच सहकार्य सुदृढ गर्ने विषयमा वार्ता
काठमाडौं । भेनेजुयलाका विदेशमन्त्री इभान गिल र युरोपेली सङ्घ (ईयू) का कूटनीतिक प्रतिनिधिहरूबीच बुधबार सहकार्य सुदृढ गर्ने उपायहरूबारे वार्ता सम्पन्न भएको छ। विदेशमन्त्री गिलले युरोपेली बाह्य कार्य सेवाका अमेरिका महादेश हेर्ने उपप्रबन्ध निर्देशक पेलायो कास्त्रो जुजुआरेगुई र भेनेजुयलाका लागि युरोपेली सङ्घका कार्यवाहक राजदूत मारिया आन्तोनिया काल्भो पुएर्तासँग वार्ता गरेका हुन्।
विदेशमन्त्री गिलले आफ्नो टेलिग्राम च्यानलमा वार्ताको जानकारी र तस्बिरहरू सार्वजनिक गर्दै दुवै पक्षले “युरोप र हाम्रो राष्ट्रबीचको सहकार्यलाई सधैं सम्मान, संवाद र हाम्रा जनताका लागि पारस्परिक लाभको ढाँचाभित्र रहेर सुदृढ गर्ने” प्रस्तावहरूमाथि छलफल गरेको बताए।
यसअघि गत जनवरीमा भेनेजुयला र युरोपबीच सम्बन्ध सुधारको प्रक्रिया सुरु भएको थियो र दुवै पक्षले सहभागिता र संवादतर्फ अघि बढ्नुको महत्त्वमा सहमति जनाएका थिए। बुधबारको यो वार्ता दक्षिण अमेरिकी राष्ट्रको कूटनीतिक पहलले विभिन्न पक्षहरूबीच संवाद प्रवर्द्धन गर्न नयाँ प्रयासहरू गरिरहेका बेला भएको हो।
