चलचित्र पत्रकार संघ, नेपालको सदस्य पदका लागि यूवर्ग पौडेल (पूजा) को उम्मेदवारी घोषणा

काठमाडौं । चलचित्र पत्रकार संघ, नेपाल (मोभिन) को सदस्य पदका लागि यूवर्ग पौडेल (पूजा) ले आफ्नो उम्मेदवारी घोषणा गरेकी छन्। उनले आफ्नो उम्मेदवारी घोषणा गर्दै संघका सबै सदस्यहरूको माया, विश्वास र साथको अपेक्षा राखेको बताएकी छन्।

‘मैले चलचित्र पत्रकार संघ, नेपालको सदस्य पदका लागि उम्मेदवारी घोषणा गरेको छु। हजुरहरूको अमूल्य मत र समर्थनको अपेक्षा राख्दछु,’ उनले भनेकी छन्। नेपालको चलचित्र क्षेत्रमा सक्रिय पत्रकार तथा मिडिया व्यक्तित्वको रूपमा परिचित यूवर्ग पौडेलले संघमा आफ्नो भूमिकालाई प्रभावकारी बनाउने प्रतिबद्धता जनाएकी छन्। उनले चलचित्र पत्रकारिताको विकास, पत्रकारहरूको हित संरक्षण, र चलचित्र क्षेत्रलाई व्यवस्थित बनाउन आफूले योगदान दिने बताएकी छन्।

आगामी निर्वाचनमा उनको उम्मेदवारीले संघभित्र नयाँ बहस र उत्साह थपेको छ। अब मतदाता सदस्यहरूले आफ्नो विवेक अनुसार मतदान गर्नेछन्।